سلام عليكم  . نبارك لكم هالعرس والديمقراطي . وعساه سعيد ومبارك ..


الواحد لما ينظر نظرة ( حيادية ) للموقف الحاصل في ديرتنا يشوف الآتي :

ليبراليين يسبون اسلاميين .
اسلاميين يسبوون ليبراليين
وحبربش ضايعين بالطوشة .
والحبربش لغير ناطقي الكويتية تعني - الحاشية التي تسير من أسيادها - . وهذا ينطبق على كل موافق أعمي على قرارات الحكومة .

بالنسبة لليبراليين : في نظري -باختصار - أنهم جاؤوا للإصلاح .وللأسف لم يوفقوا بذلك .
أتوا من كلياتهم الأجنبية واستوردوا عقلياتهم مع بدلاتهم . ونسوا أن اللي يصلح هناك مو بالضرورة يصلح هنيه
كذلك الإسلاميين : تجد بعضهم يطيح طيحات شينة وقشرة لاتليق بإسلامي . ومو كل صاحب لحية يكون مطوع ياعمي . <--- حكمة سالمية .
وبالنسبة للحبربش . وهذيل في نظري اللي مرتاحين وينامون قريري العين . لأن ماعندهم إلا نص ضمير وقاطينه برا المجلس . .

الخلاصة .
لو تلاحظون : تلاقون أن القليل فعلا همه على ديرته الكويت .
لي متى واحنا جذي .
السلفي يضبط السلف . والشيعي يضبط الشيعة . و ولد بطنها يضبط ولد فريجه .
والقبلي يضبط أبناخيه . !!! وكل يضبط حسب انتمائه
ليش مافي أحد ينتمي للكويت ؟؟ لاتجاوبوني بكلام وحجي .
ليش مافي أحد ينتمي للكويت بفعله مو بلسانه . .

مرات أتمنى لو كنت صغير ما افهم شي واظن ان الدنيا حلوة ., والناس قلوبهم بيضاء . وبآخر الحلقة الكل يضحك !! لكن :
مرحبا بكم في أرض الواقع ...

وانتظروا المزيد . هناك موضوع خطير جدا جدا يجب التنبيه عليه . .