الشباب : يقودون ام ينقادون ؟ ؟؟؟

SaLm's profileســالــم الــقـفـيـفيPhotosBlogListsMore

Tools

Help

< Previous Next >

7/11/2006

الشباب : يقودون ام ينقادون ؟ ؟؟؟

أرجو منك قارئي العزيز القراءة الواعية والموضوعية لهذا الموضوع الخطير كما أسلفت في مقالة لي .

المتتبع لتحركات الشباب ( السياسية ) يجدها تنحصر في الجمعيات الطلابية . في جامعة الكويت . أو في الكليات الأخرى .
وبصفتي طالب جامعي . سأتكلم فيما أراه وأعاصره . ...
الإئتلافية . المستقلة , الوسط , الخ الخ الخ . من الجمعيات الطلابية .
أنا لا يهمني توجه الجمعية الفكري سواء ديني , طائفي , تنفيعي , أو حتى توجه ( سبهللة ) أنا يهمني
آلية اتخاذ القرار في هذه الجمعيات الطلابية ..
فمثلا . أكثر الطلاب يعيبون على القائمة الإئتلافية تبعيتها للإخوان و أنها- لا تهش ولا تنش - بدون مشاورة العم الكبير . وكمثال آخرهناك من يعيب على الإسلامية تبعيتها للسادة وايران وقم .

وهؤلاء يقولون أن جمعياتهم وهي المستقلة والوسط إنما هي من الشباب وإلى الشباب . وأنهم هم أصحاب القرار

هنا وقفة . يجب علينا التأكد من هذه الإدعاءات . ...
هل فعلا الوسط قراراتها ذاتية . أم انها ملك لذلك التاجر الذي لا يحضرني اسمه حاليا . وهو الممول الأساسي والوحيد لهم .
هل فعلا المستقلة - مستقلة بقراراتها ؟

بالتأكيد لا .
لو لاحظنا مجرد ملاحظة بسيطة . في موضوع نبيها خمسة

هل هناك شخص واحد . ولو واحد فقط من هذه الجمعيات جاء وسألك ما رأيك في الموضوع مؤيد أم معارض ؟
لا يوجد هناك أي شخص فعل ذلك ., فما الخلاصة ؟
الخلاصة أن هذا القرار اتخذ وفرض على هذه الجمعيات .
كأنه قول منزل من السماء . -ويالله يا يهالوه انشروا وتجمهروا كأنكم أصحاب القرار.

كفاية لغة عربية :
اللي بوصله أنه القرارات تصدرمن فوق واللي تحت ينفذون
ويقولون
امباع
متى يحسون هؤلاء أنهم مسيرين على هوى أصحاب القرار

متى يتركون التبمبع قدام الله وخلقه ؟؟
شوية عقل توعينا بهالموضوع؟؟

بسألكم الحين . شنو هالخمس دوائر ؟
ياحظي للحين ماكو أي صورة مبدأية للدوائر شلون تبونها ؟
ماحد فكر . والله بس تبونها خمس ؟
ياليت الكل يوصل فكرتي هذي للشباب اللي يظن أن بايده القرار .
والشاب المسكين يبمبع وهو ما يدري
استغلوكم لأنكم الأكثر بالعدد . لكن الأقل بالتأثير .

أكتب مقالتي هذي وأنا داري ماراح يكون لها صدى . لكن كما يقول ولد الراشد
والله من وراء القصد !!

2:23 PM | View trackbacks (1) | Blog it

Comments (11)

To add a comment, sign in with your Windows Live ID (if you use Hotmail, Messenger, or Xbox LIVE, you have a Windows Live ID). Sign in

Don't have a Windows Live ID? Sign up

	SaLm Q8wrote: WELCOME DEAR , ANY TIME , ANY ARTICLE Nov. 30
	monmt2003 rashedwrote: slam alikom, mqala 7lwa wana tab3 7q qa2mt almtqbl al6laby fy america wa ehya qa2ma 9ar laha 3 years in market, 3ndy mstmskat 3leeehom bs 3laql a7sn mn allebralya almwjoda wa maska et7ad amrica. wa mshkoooor 3la eleqtbaaas fy nhayat alq9d... 7seet ennah ll7een feeh nas ma tbooog ;) wallah mn wra2 alq9d Nov. 29
	~viva~wrote: ردا على سؤالك اخي في مساحتي: viva za radiographer means radiology يعني كلية الطب المساعد ولله الحمد كنت ولازلت افتخر بكوني من قائمة المنار :) ممم اللي يعجبني بأي قائمة هو التمسك بالدين و ان كان مو الكل ملتزم بس الحمدلله عالاقل انشالله انهم ناس يبون انهم يمشون عالطريق الصحيح نسأل الله لنا و للمؤمنين والمسلمين الهداية وعاللي يقولون تعصب ديني ترا انتخابات كليتنا كانت اكبر دليل على التفاهم و عدم التعصب ابدا مارح أضيف اكثر ;) واللي يدري يدري واللي مايدري يقول تعصب ;) يعطيك العوافي اخوي و مساحتك حلوة و keep it up July 18
	SaLm Q8wrote: أشكرك على مشاركتج فيفا لكن هذا الواقع المر . اللي مايدري عنه الا اقل القليل July 18
	~viva~wrote: موضوع حلو و يرجعني لأيام الجامعة الله يرحمها ولا يعيدها "توني متخرجة أصلا" المهم صراااااحة أحلى ايام مرت علي اهيه ايام الانتخابات والله نكهة غييييير مووووو طبيعية و انا عضوة في جمعية كليتي و لله الحمد فزنا هالسنة عالوسط :) بس صراحة ما لاحظت انه في اي تدخلات كانت قاعدة تصير لا من قريب ولا من بعيد ما اقول هالحجي تحيزا او شي بس بطبعي ما احب احد يقولي شنو اسوي و انا اللي بايدي الصلاحيات!! عيل شكو منزلة و رازة فيسي بالجمعية! الحمدلله كانت تجربة جميلة جدا و لكنها متعبة جدا جدااااا واتمنى التوفيق لكل قائمة هدفها الاول والاخير انه يرضون ربهم باداء مهمتهم بخدمة الطالب الجامعي والله من وراء القصد :p July 18
	SaLm Q8wrote: بالعكس حياج . انتو صرتو جزء من المعادلة - للأسف - واقول للأسف لأن في نظري انتو وين وهالمواضيع وين . \مو انتقاصا فيكم . لكن تنزيها لكم من هذي المعمعة انتي شنو رايج ؟ بيني وبينج . أظن انهم استغلوا البنات كذلك لو تشوفينهم عند مجلس الامة ينامون بخيام ام 3 دنانير ؟؟!!؟؟ ويشتغلون بالمقرات الانتخابية ويوزعون ماي وعصير وخرابيط ؟ هذي هي المشاركة ؟ انك تكون مطراش وصبي ؟ موفقين خير July 15
	N a j m awrote: آنا مالي مكان بهالبلوق :/ ها سالم ؟ July 14
	SaLm Q8wrote: فعلا أخوي بو زيد. بس انا اعارضك انهم ينطرون بالعكس لازم يتمرنون على اللعبة السياسية لكن هذا مايعني انهم لازم يصيرون مقصة اذا شاركوا ! اللي نبيه . شوية وعي باللي صاير لهم . July 12
	No namewrote: الانتخابات الجامعيه مضيعه لوقت الطلبه و بمعنى اخر (( مقصه )) و اغلب الطلبه والطالبات شنو شفنا من الجمعيات شنو شفنا من الانتخابات ّ!!! ولا شي غير الهواش والمسخره للأسف لما يكبرون الطلبه شوي نخليهم يدشون الانتخابات ! July 12
	SaLm Q8wrote: هنيه يبرز دورنا كشباب عارف معلومة مهمة للكل . لازم نوصل هالمعلومة . لكل واحد تايه , ضايع لكل واحد ضيع وقته في الجمعيات هذي والله لما أشوف طالب مستجد يتعب روحه ويوزع ورق ومادري ايش اتحسر . أحسه صج صج مسكين ووقته خسارة .!!!! July 12
	A . L . I wrote: السلام عليكم و رحمة الله وبركاته موضوعك حلو يا سالم و مهم لو كل الطلبه و يشوفونه و يعرفون الواقع الانتخابات الجامعية لعبه كبيره بادي الــ( كبار) كذاااب و مليون كذااب اللي يقولك احنا مستقلين و غير مدعومين أخيراااا القائمه المستقله ظهر الشخص اللي يدعمها و ظهر بنفس فكرها (( اللي ماله مبدأ ولا ثبات )) ظهر و نزل بحركه قياديه كما يسميها اللي هو المرشح عدنان الشرهان أما الوسط الديمقراطي فمعروووف من الاول صاحبها و هو مؤسس الليبراليه في الكويت مؤسس المنبر الديمقراطي ,,, عبدالله النيباري القوائم هذي لعبه بأيادي الاعضاء و جمعيات النفع العام مثل جمعية الاصلاح الاجتماعي و جمعية احياء التراث الاسلامي القوائم هي اللي تبث فكرهم و مبادئهم للطلبه ,, اذا ما فكروا بــ ( الجيل الجديد) و الشباب الداعم لحركتهم ,, اذا من سيهتمون فيه !! و طبعا فرصه للاعضاء انه باي موقف يمر على الكويت مثل سالفة الدوائر ان يستقلون هذا الجيل الداعم لحركتهم و انهم يعلنون نفس المبدأ و طبعا كل هذا يكون بمسمى ( شباب الوطن يريدون ) و هو لا شباب و لا شيء لكن الاعضاء يريدوووون July 11

Trackbacks (1)

The trackback URL for this entry is:

http://salemeng.spaces.live.com/blog/cns!5BB6E1D500F37B44!306.trak

Weblogs that reference this entry

Talking about الشباب : يقودون ام ينقادون ؟ ؟؟؟